Layihələr · Arduino / ESP32 / Pico

Arduino layihələrini kəşf et

Başlanğıcdan qabaqcıla, dövrə sxemli, kodlu və videolu yüzlərlə layihə. Hansı səviyyədəsənsə, ordan başla.

ESP32 WS2812B NeoPixel lent idarəsi
ES-24Orta
Premium

ESP32 WS2812B NeoPixel lent idarəsi

WS2812B (NeoPixel) ünvanlana bilən LED-lər tək data pini üzərindən zəncirvari idarə oluna bilən ağıllı RGB LED-lərdir. Bu layihədə 8 LED-lik WS2812B lentini Adafruit_NeoPixel kitabxanası ilə idarə edib axıcı göy qurşağı animasiyası yaradacağıq. ESP32-nin 3,3V məntiq səviyyəsi əksər WS2812B partiyalarında problemsiz işləsə də, qeyri-sabitlik olsa, 470Ω ardıcıl rezistor və 1000µF kondensator həllini göstərəcəyik. Animasiya HSV rəng məkanında ton (hue) dəyərini sürüşdürməklə əldə edilir.

4.9(19)
30
Raspberry Pi Pico düymə debounce müqayisəsi: IRQ vs Software Polling
PI-13Orta
Premium

Raspberry Pi Pico düymə debounce müqayisəsi: IRQ vs Software Polling

Düyməyə bir dəfə basanda kod 3-4 dəfə saydısa, səbəb contact bounce-dur: düymənin metal kontaktları toxunma anında mikrosaniyələr ərzində dəfələrlə açılıb-bağlanır! Bu layihədə eyni düyməni 2 fərqli üsulla sayıb Serial-da yan-yana müqayisə edirik: RAW polling (bounce-u tutur, səhv sayır) və IRQ + proqram debounce (düzgün sayır).

12
Arduino mini radar (servo + HC-SR04 + OLED ekran)
AR-98Orta
Premium

Arduino mini radar (servo + HC-SR04 + OLED ekran)

Məsafə sensoru və servo ilə filmlərdəki kimi radar! SG90 servo üzərindəki HC-SR04-ü 0–180 dərəcə arasında skan edir; 0,96 düymlük OLED ekranda fırlanan skan xətti və aşkarlanan cisimlər nöqtə kimi görünür. Əhatə dairəsinə cisim girəndə passiv buzzer "ping" səsi verir, cisim yaxınlaşdıqca səs incəlir. Servo idarəsi, ultrasəs ölçmə, triqonometriya ilə ekrana çəkmə və tone() ilə səs tək layihədə.

1
Arduino əydikcə axan rəqəmsal qum (MPU-6050 + 8x8 NeoPixel matris)
AR-99Orta
Premium

Arduino əydikcə axan rəqəmsal qum (MPU-6050 + 8x8 NeoPixel matris)

Dövrəni hansı yöndə əysən, LED qum dənələri o yöndə axır! MPU-6050 təcil sensoru əyilməni ölçür, 8x8 NeoPixel matrisdəki 24 dənə cazibəyə doğru düşür və kənarlarda real qum kimi yığılır. Tema düyməsi qum, su, lava və göy qurşağı rəngləri arasında keçid edir. Kitabxanasız I2C oxuma, əyilmədən cazibə istiqaməti çıxarma və sadə qum fizikası alqoritmi tək layihədə.

Arduino ultrasəs thereminı (HC-SR04 + NeoPixel halqa + buzzer)
AR-101Orta
Premium

Arduino ultrasəs thereminı (HC-SR04 + NeoPixel halqa + buzzer)

Heç toxunmadan, yalnız əlini havada oynadaraq çalınan musiqi aləti! Əlini HC-SR04 sensoruna yaxınlaşdırdıqca passiv buzzer-in səsi incələr, 24 LED-lik NeoPixel halqa da çalan notanı rəng və dolma ilə göstərir. Düymə ilə iki rejim arasında keçilir: NOTA rejimində hər məsafə pentatonik qamadan uyğun notaya oturur, SÜRÜŞMƏ rejimində səs elmi-fantastik filmlərdəki kimi fasiləsiz sürüşür. Melodiyanı hazır kod yox, sənin əlin yaradır.

ESP32 robot gözləri (OLED ekran + TTP223 toxunma sensoru)
ES-42Orta
Premium

ESP32 robot gözləri (OLED ekran + TTP223 toxunma sensoru)

Hissləri olan masaüstü robot! ESP32 0,96 düymlük OLED ekranda ətrafa baxan və göz qırpan iki göz çəkir. TTP223 toxunma sensoruna toxunanda robot sevinir, basılı saxlayanda gözləri ürəyə dönür, ardıcıl dürtəndə əsəbiləşir, 20 saniyə maraqlanılmasa yatır. Hər hissə passiv buzzer öz səsini verir; vəziyyət maşını, fiqurlarla animasiya və bloklamayan səs bir layihədə.

1
Raspberry Pi Pico mini hava stansiyası (DHT22 + OLED qrafik)
PI-21Orta
Premium

Raspberry Pi Pico mini hava stansiyası (DHT22 + OLED qrafik)

Otağın temperaturu son iki dəqiqədə necə dəyişdi? Raspberry Pi Pico DHT22 sensoru ilə temperaturu və rütubəti 2 saniyədən bir ölçür; 0.96 düymlük OLED ekranda dəyəri iri rəqəmlərlə, altında isə son 60 ölçmənin xətt qrafikini göstərir. Ox işarəsi meylin istiqamətini verir, temperatur və rütubət səhifələri 4 saniyədən bir dəyişir. OLED sürücüsü kodun içindədir: kitabxana quraşdırmadan tək fayl.

Raspberry Pi Pico yaddaş oyunu (4 LED + 4 düymə + buzzer)
PI-22Orta
Premium

Raspberry Pi Pico yaddaş oyunu (4 LED + 4 düymə + buzzer)

Neçə tura davam gətirə bilərsən? Klassik rəng və not yaddaş oyunu Raspberry Pi Pico ilə masanda. Pico təsadüfi rəng ardıcıllığı göstərir; hər rəng öz LED-i və öz notu ilə səslənir. Ardıcıllığı 4 düymə ilə eyni qaydada təkrarla, hər turda bir rəng əlavə olunur. Səhv basanda buzzer oyunun bitməsi melodiyasını çalır və düzgün rəng yanıb-sönür. Siyahılar, təsadüfi ədədlər və düymə oxuma bir oyunda.

Raspberry Pi Pico şifrəli kilid (4x4 keypad + I2C LCD + servo)
PI-23Orta
Premium

Raspberry Pi Pico şifrəli kilid (4x4 keypad + I2C LCD + servo)

Qapını açan şifrə 4 rəqəmdir, üç səhvdən sonra 30 saniyə gözləmə! Raspberry Pi Pico 4x4 keypad ilə daxil edilən şifrəni yoxlayır: düzgündürsə SG90 servo kilidi açır və 5 saniyədən sonra özü bağlayır. I2C LCD ulduzları, qalan haqqı və geri sayımı göstərir, buzzer hər düyməyə səs verir. İlk şifrə 1234; A düyməsi ilə dəyişə bilərsən və yeni şifrə pin.txt faylında saxlanır.

Raspberry Pi Pico Flappy quş (OLED ekran + düymə + buzzer)
PI-24Orta
Premium

Raspberry Pi Pico Flappy quş (OLED ekran + düymə + buzzer)

Telefondakı o əsəbi quş indi 0.96 düymlük OLED ekranda və tək düymə ilə! Raspberry Pi Pico ilə Flappy Bird tipli oyun: düyməyə hər basanda quş qanad çırpır, borular arasından keçdikcə xal qazanır və boşluqlar daralır. Buzzer qanad, xal və rekord səslərini çalır. Ən yüksək xal flappy_best.txt faylında saxlanır, elektrik getsə də itmir. Fizika, toqquşma və 30 FPS oyun dövrü bir faylda.

ESP32 T-Rex Run dinozavr oyunu (OLED ekran + düymə + Buzzer)
ES-44Orta
Premium

ESP32 T-Rex Run dinozavr oyunu (OLED ekran + düymə + Buzzer)

Chrome-un "internet yoxdur" dinozavr oyunu artıq masanda! ESP32 0.96 düymlük OLED ekranda qaçan dinozavr çəkir; düyməyə basanda tullanır, kaktuslar getdikcə sürətlənir. Xal və rekord ekranın üst sətrində durur; rekord Preferences ilə ESP32 yaddaşına yazılır, elektrik kəsilsə də itmir. Arduino-dakı OLED T-Rex Run layihəsinin ESP32 versiyası; passiv buzzer tullanma, 100 xal və toqquşma səslərini çalır.

1
Arduino kürə labirinti (MPU-6050 + MAX7219 8x8 LED matris)
AR-103Orta
Premium

Arduino kürə labirinti (MPU-6050 + MAX7219 8x8 LED matris)

Ekran yoxdur, coystik yoxdur: dövrəni əyirsən, LED kürə labirintdə diyirlənir! MPU-6050 təcil sensoru əyilməni ölçür, MAX7219 8x8 LED matrisdəki kürə əyilən istiqamətə gedir və divarlardan keçə bilmir. Hədəfə çatanda passiv buzzer melodiya çalır və növbəti labirint açılır; 3 labirint bitəndə gülən üz çıxır. Kitabxanasız sensor oxuma, əyilmədən sürət və mətnlə təyin olunan labirintlər bir layihədə.