Layihələr · Arduino / ESP32 / Pico

Arduino layihələrini kəşf et

Başlanğıcdan qabaqcıla, dövrə sxemli, kodlu və videolu yüzlərlə layihə. Hansı səviyyədəsənsə, ordan başla.

Raspberry Pi Pico daxili LED-in yanıb-sönməsi (Pico və Pico W)
PI-1Başlanğıc

Raspberry Pi Pico daxili LED-in yanıb-sönməsi (Pico və Pico W)

Raspberry Pi Pico seriyasının açılış layihəsi! Pico-nun üzərindəki yaşıl daxili LED-i yandırıb söndürərək platanın işlədiyini təsdiqləyirik; klassik "Hello World" tipli ilk təcrübə. Xarici komponent lazım deyil, Pico və USB kabeli kifayətdir. Kod MicroPython ilə yazılıb (Raspberry Pi Fondunun rəsmi dəstəklədiyi dil).

5.0(1)
10
Raspberry Pi Pico xarici LED-in yanıb-sönməsi (breadboard)
PI-2Başlanğıc

Raspberry Pi Pico xarici LED-in yanıb-sönməsi (breadboard)

Pico-nun daxili LED-indən sonrakı addım: breadboard-a xarici LED qoşub GP14 pini ilə idarə etmək. Bu layihədə Pico-nun istənilən GPIO pinindən çıxış kimi istifadəni, LED-in qütblərini (uzun ayaq = anod/+, qısa ayaq = katod/–) və cərəyanı məhdudlaşdıran rezistorun (220Ω) niyə vacib olduğunu öyrənirsən. Rezistoru qoymasan, LED-ə artıq cərəyan gedər və yana bilər.

4.5(2)
7
Raspberry Pi Pico ilə 2 LED növbəli yanma (Blink-Flip nümunəsi)
PI-3Başlanğıc

Raspberry Pi Pico ilə 2 LED növbəli yanma (Blink-Flip nümunəsi)

Pico-nun tək LED-indən sonrakı addım: iki LED-i növbə ilə yandırıb söndürən klassik flip-flop animasiyası. Bir LED sönəndə digəri yanır; çoxsaylı GPIO idarəsinin ən əsas nümunəsi. Bu layihədə iki fərqli rəngli LED (qırmızı GP14, yaşıl GP13) hər 500 ms-də yer dəyişir. MicroPython-un Pin.toggle() metodu ilə kod çox qısa və oxunaqlı olur.

5.0(2)
19
Raspberry Pi Pico svetofor (3 LED ardıcıl)
PI-4Başlanğıc

Raspberry Pi Pico svetofor (3 LED ardıcıl)

Qırmızı, sarı və yaşıl LED-lərlə real svetofor məntiqini canlandırırıq; Pico seriyasının 3 LED-ə keçən ilk layihəsi! Yaşıl 4 saniyə "keç", sarı 1,5 saniyə "hazırlaş", qırmızı 3 saniyə "dayan" və qırmızı+sarı 1 saniyə "yola düş" deyir (Avropa svetofor sxemi). Bu layihədə funksiya təyin etməyi (def all_off()), vəziyyət maşını məntiqini və çoxlu GPIO sinxronizasiyasını öyrənəcəksən.

4.0(1)
12
Raspberry Pi Pico polis mayakı effekti (qırmızı + göy strobe)
PI-5Başlanğıc

Raspberry Pi Pico polis mayakı effekti (qırmızı + göy strobe)

Polis maşınının mayak işığını Raspberry Pi Pico ilə ən sadə şəkildə simulyasiya edirik! Qırmızı və göy LED növbə ilə yanır (flip-flop): qırmızı yananda göy sönür, 0,3 saniyə sonra yerlərini dəyişirlər və bu sonsuza qədər davam edir. Kod tək while True dövründə iki addımı birbaşa yazır; sürət WAIT_MS sabiti ilə tənzimlənir.

4.7(3)
10
Raspberry Pi Pico 3-lü polis mayakı (3 burst flip-flop, 2 LED)
PI-6Başlanğıc

Raspberry Pi Pico 3-lü polis mayakı (3 burst flip-flop, 2 LED)

Polis mayakı layihəsinin ritmik variasiyası — 3 burst flip-flop! Dövrə eynidir (GP11 qırmızı + GP12 göy), amma naxış fərqlidir: qırmızı LED 3 dəfə sürətlə yanıb-sönür, sonra göy 3 dəfə yanıb-sönür və sonsuza qədər davam edir. Bu "burst + keçid" naxışı real polis siren işığının ən tanınmış naxışıdır. Yeni öyrəniləcəklər: parametrli funksiya def burst(led, count, duration_ms), ritm dizaynı, eyni dövrədə kodla fərqli vizual effekt yaratmaq.

5.0(1)
16
Raspberry Pi Pico qaçan LED / Chasing LED (6 LED)
PI-7Başlanğıc

Raspberry Pi Pico qaçan LED / Chasing LED (6 LED)

Pico ilə klassik "qaçan LED" animasiyası, 6 LED versiyası! 6 LED soldan sağa növbə ilə yanıb-sönür, sanki işıq cərgə boyunca qaçır. Bu layihədə Python siyahısını (LED_PINS = [14, 13, 12, 11, 10, 9]), list comprehension-u, for dövrü ilə pin idarəsini və enumerate() funksiyasını öyrənəcəksən. GP9-GP14 pinlərinə 6 LED qoşulur, hər birində 220Ω cərəyan məhdudlaşdırıcı rezistor var.

5.0(1)
9
Raspberry Pi Pico qaçan işıq / Knight Rider (6 LED irəli-geri)
PI-8Başlanğıc

Raspberry Pi Pico qaçan işıq / Knight Rider (6 LED irəli-geri)

Pico ilə klassik "qaçan işıq" (Knight Rider) LED effekti! 6 LED əvvəl soldan sağa qaçır, sonra sağdan sola qayıdır, sonsuza qədər. 80-ci illərin məşhur serialındakı KITT maşınının ön barmaqlığı kimi. Bu layihə Qaçan LED layihəsinin üst versiyasıdır: eyni 6 LED dövrəsi (GP9-GP14), fərqli kod naxışı. Yeni öyrəniləcəklər: reversed() funksiyası ilə siyahını tərsinə çevirmək, iki ayrı for dövrü ilə irəli-geri naxış və eyni dövrədə bir neçə animasiya yaratmaq.

5.0(1)
14
Raspberry Pi Pico düymə ilə LED yandırma (Toggle)
PI-10Başlanğıc

Raspberry Pi Pico düymə ilə LED yandırma (Toggle)

Düymə ilə LED — bir səviyyə yuxarı! Burada düyməni basılı saxlamaq lazım deyil: bas və burax → LED yanır, yenidən bas və burax → LED sönür (toggle). Dövrə eynidir (LED GP14, Düymə GP2), amma kod fərqlidir. Öyrənəcəkların: edge detection (pinin 1-dən 0-a düşdüyü anı tutmaq), state tracking, debounce (düymənin mexaniki sıçrayışını süzmək). MicroPython-un led.toggle() metodu vəziyyəti tək sətirdə dəyişir.

10
Raspberry Pi Pico PWM ilə LED Fade (nəfəs effekti)
PI-14Başlanğıc

Raspberry Pi Pico PWM ilə LED Fade (nəfəs effekti)

LED artıq sadəcə yanıb-sönmür, nəfəs alır! Raspberry Pi Pico-nun PWM (Pulse Width Modulation, impuls eni modulyasiyası) xüsusiyyəti ilə LED-in parlaqlığı yavaş-yavaş artır, sonra yavaş-yavaş azalır; yuxu rejimindəki noutbukun işığı kimi sakit "nəfəs" effekti. Bu layihədə machine.PWM sinfini, duty_u16() ilə 0–65535 arası 16 bit parlaqlıq dəyərini və PWM tezliyini öyrənirsən.

4
Raspberry Pi Pico RGB LED rəng dövrü (3 kanallı PWM)
PI-15Başlanğıc

Raspberry Pi Pico RGB LED rəng dövrü (3 kanallı PWM)

Tək LED, milyonlarla rəng! RGB LED-in içində əslində 3 ayrı LED var: qırmızı, yaşıl və göy. Pico-nun 3 ayrı PWM kanalı ilə hər birinin parlaqlığını ayrıca tənzimləyəndə rənglər qarışır: qırmızı + yaşıl = sarı, yaşıl + göy = firuzəyi, üçü birdən = ağ. Bu layihədə LED 8 rəng arasında növbə ilə dövr edir.

6
Raspberry Pi Pico park sensoru (HC-SR04 + 3 LED + Buzzer)
PI-18Başlanğıc

Raspberry Pi Pico park sensoru (HC-SR04 + 3 LED + Buzzer)

Avtomobillərdəki arxa park sensorunu masana gətir! Raspberry Pi Pico, HC-SR04 ultrasonik sensoru ilə qarşındakı maneəyə olan məsafəni saniyədə təxminən 16 dəfə ölçür. Maneə yaxınlaşdıqca yaşıl, sarı və qırmızı LED ardıcıl yanır, buzzer-in bip səsi sürətlənir; 10 sm-dən az məsafədə səs kəsilmədən çalır və qırmızı LED yanıb-sönür. Ultrasonik ölçmə, PWM ilə səs və bloklamayan zamanlama bir layihədə.

1