Arduino layihələrini kəşf et
Başlanğıcdan qabaqcıla, dövrə sxemli, kodlu və videolu yüzlərlə layihə. Hansı səviyyədəsənsə, ordan başla.

Arduino yaddaş oyunu (4 LED + 4 düymə + buzzer)
Yaddaşına güvənirsən? Dörd rəngli LED ardıcıl yanır və hər biri öz notunu çalır; sən də eyni ardıcıllığı düymələrə basaraq təkrarlayırsan.

Arduino I2C kalkulyator
4x4 membran düymə paneli və 16x2 I2C LCD ekran ilə toplama, çıxma, vurma və bölmə əməlləri aparan Arduino əsaslı kalkulyator layihəsidir. I2C sayəsində ekran yalnız 2 naqillə qoşulur, beləliklə naqil qarışıqlığı azalır və daha çox pin boş qalır. Onluq kəsr daxil etmə və mənfi ədəd dəstəyi də var.

Arduino səs siqnallı reaksiya testi: refleksini millisaniyə ilə ölç (LCD + Buzzer + 3 LED)
Refleksin nə qədər sürətlidir? Düyməyə bas: qırmızı LED hazırlaş, sarı LED diqqət deyir və 1,5 ilə 3,5 saniyə arası təsadüfi gözləmə başlayır. Yaşıl LED yanıb buzzer səslənən an yenidən bas; reaksiya müddətin I2C LCD-də millisaniyə ilə çıxır, altında sessiya rekordun və ortalaman görünür. Yaşıldan əvvəl basarsan, ekranda TOO EARLY! yazılır və uduzma səsi çalınır. Düyməni basılı saxlayanda yeni oyunçu başlayır, hamı eyni gözləmə ardıcıllığı ilə ədalətli yarışır.

Arduino LCD qaçış oyunu
16x2 simvol LCD ekranda işləyən yandan sürüşən sonsuz qaçış oyunu. Qəhrəman avtomatik qaçır, oyunçu düyməyə basaraq maneələrin üstündən tullanır. Alt və üst sırada təsadüfi maneələr yaranır. Passiv buzzer ilə açılış melodiyası, tullanma səsi, 50 xal təbrik səsi və oyun sonu melodiyası çalınır. Açılışda "BlueGrays — Arduino Projects" splash ekranı göstərilir. Xal ekranın sağ üst küncündə anlıq yenilənir.

Servo çevrə xoreoqrafiyası — 32 servo ilə animasiyalı naxışlar
Arduino Mega üzərində çevrə şəklində düzülmüş 32 servo mühərriklə işləyən vizual animasiya layihəsi. Servolar tək massivdə idarə olunur, Mega-nın 22–53 nömrəli pinlərinə qoşulur və dörd hərəkət ardıcıllığı nümayiş etdirir: təsadüfi bucaqlarla xaotik titrəmə, sinxron süpürmə, çevrə boyunca fırlanan dalğa və sağa-sola yırğalanan kompas əqrəbi.

ESP32 polis mayakı effekti
Qırmızı və göy LED qruplarını sürətlə yanıb-söndürərək polis maşını mayakı simulyasiyası. 2-şər LED qrupu ilə effekt daha dramatik olur. Sürətli toggle nümunəsi və qrup idarəsinin nümunəsi.

ESP32 LDR ilə gecə lampası
Qaranlıqda LED-in avtomatik yandığı, işıqda söndüyü gecə lampası. LDR sensor modulunun D0 (digital out) pinindən istifadə olunur — modulun üzərindəki kiçik potensiometrlə qaranlıq həddi tənzimlənir, modulun özü HIGH/LOW çıxış yaradır. ESP32 yalnız digitalRead() ilə bu siqnalı oxuyur, kod çox sadədir.

ESP32 Buzzer ilə melodiya çalmaq
Passiv buzzer ilə sadə melodiya (Twinkle Twinkle Little Star) çalmaq. Arduino-dakı kimi tone() və noTone() funksiyaları ilə nota çalırıq — ESP32 Arduino Core 3.0+ ilə eyni sintaksis işləyir. Passiv buzzer istifadə olunmalıdır (aktiv buzzer melodiya çalmır).

ESP32 potensiometr ilə LED parlaqlığı (analoq → PWM)
Bu layihədə potensiometrlə LED parlaqlığını analoq olaraq idarə edirik. ESP32-nin ADC pini potensiometrdən gələn 0-3.3V gərginliyi oxuyur, sonra bu dəyər PWM (Pulse Width Modulation) siqnalına çevrilərək LED-ə göndərilir. Beləliklə potensiometri çevirdikcə LED pilləli şəkildə parlayır və sönür. Arduino Core 3.0+ ilə analogWrite() birbaşa istifadə oluna bilər; ESP32-S2/S3-də ADC dəqiqliyi 12-bitə sabitlənir.

ESP32 servo mühərrik (potensiometrlə idarə)
Bu layihədə potensiometrlə SG90 servo mühərrikini idarə edirik. Potensiometrdən oxunan analoq dəyəri 0-180 dərəcə aralığına map-ləyərək servo bucağını tənzimləyirik. ESP32Servo kitabxanası ESP32-nin çıxış verə bilən uyğun GPIO-larında servo siqnalı yaradır; bu layihədə GPIO 18 istifadə olunur. Bu, robot qollar, kamera gimbal-ları və avtomatik qapı mexanizmləri üçün əsas idarəetmə üsuludur.

ESP32 I2C LCD ekran (16x2)
Bu layihədə 16x2 simvol LCD ekranı I2C protokolu ilə ESP32-yə qoşaraq mətn göstəririk. I2C sayəsində ekranı yalnız 2 data pini (SDA və SCL) ilə idarə edə bilirik; klassik paralel qoşulmadakı 6+ pin israfı aradan qalxır. Kod birinci sətirdə sabit mesaj, ikinci sətirdə isə hər saniyə artan sayğac göstərir. Əlavə olaraq başlanğıcda I2C skaneri işlədib ekranın ünvanını Serial Monitor-a yazdırırıq (adətən 0x27 və ya 0x3F).

ESP32 RTC DS1307 ilə rəqəmsal saat (I2C + LCD)
Bu layihədə DS1307 real vaxt saatı (RTC) modulu ilə 16x2 I2C LCD ekranda saat və tarix məlumatı göstəririk. DS1307 batareya dəstəkli RTC-dir; ESP32 söndürülsə belə vaxtı saxlayır. Hər iki modul eyni I2C xəttini (SDA/SCL) paylaşır, beləcə cəmi iki siqnal naqili ilə çoxlu cihaz idarəsini öyrənmiş oluruq. Bu layihə ilə I2C rabitə protokolunu, RTC modullarının iş prinsipini və LCD ekranda dinamik məlumat göstərilməsini praktik şəkildə öyrənəcəksən.
