Ang ACS712 ay Hall effect current sensor module na nakasusukat ng AC (alternating) at DC (direct) na current. Naglalabas ito ng analog voltage na proporsyonal sa dami ng current na dumadaan dito, kaya madali itong mababasa sa mga analog (ADC) pin ng mga Arduino at ESP series board. Dahil may electrical isolation ito sa pagitan ng high-current na load circuit at ng microcontroller, ligtas ang pagsukat nang hindi nasisira ang board mo. Karaniwang may tatlong bersyon ito sa merkado na may limit ng pagsukat na 5A, 20A at 30A. Madalas itong pinipili sa pagbabantay ng konsumo ng power, overcurrent protection ng motor, solar panel / battery charging system at mga smart home energy monitoring project.

